جماهير هيركوليس تدعو الفوندو نورطي لطي ملف العداوة وحصرها في المدرجات.

طالبت جماهير فريق اتحاد طنجة في تدوينة انتشرت عبر منصات التواصل الاجتماعي بإحدى الصفحات المهتمة بالشأن الكروي بالمدينة، – طالبت – بالصلح بين جماهير اتحاد طنجة والمغرب التطواني، والقطع مع العنف والكراهية بين الجمهورين.

 وكتب أدمين الصفحة في التدوينة ” شخصيا يغيت تكون المنافسة بين أولتراس هيركوليس والفوندو نورطي، داخل الملعب و خلال 90 دقيقة فقط، وماشي عداوة دالجاهلية راه 2022 هادي، إدا بغينا نزيدو لفوق بالكرة فالشمال و نخاليو كولشي تحت مننا”.

وأضافت “خس الجمهور دطنجة و تطوان يكون بعقلو، وتكون المنافسة فالمدرجات بالدياسك والتيفوس و الديبلاصموص و الكراكاجات، فالكورفا أرا ما عندك ورينا التفوق ديالك، و ملي يتسالا بارديدو كل واحد يقصد الدار ديماه، ماشي غادي نبقاو جري مورايا نجري موراك شيار عليا نشيار عليك … حنا ماشي أطفال الحجارة “.

وتابعت التدوينة ” ولي عايقولي التعصب للألوان .. أه مكاينشي شي حد متعصب لبلانكي أزول قدي لكن كاين فرق بين التعصب للألوان و التطرف، ومخسناشي نرجعو للجاهلية لي تسالات هادي كتار من 1400 عام، بغينا ديربي الشمال يكون أحسن ديربي في المغرب “.

مباشرة بعد انتشار التدوينة، انقسمت الجماهير بين مؤيد لفكرة الصلح وحصر المنافسة فوق المدرجات، من أجل القطع مع الجهات المستفيدة من هذه العداوة، وفئة ترى أن العداوة بين الجمهورين يجب أن تظل للأبد، وأن فكر الأولتراس في مختلف ربوع العالم يجعل العداوة بين فريقي الديربي قائمة داخل وخارج المدرجات.

تطوان بوست